ԱՄՆ-ն մտադիր է ՆԱՏՕ-ից հետ վերցնել ինքնաթիռների, նավերի և անօդաչու սարքերի մի մասը. Welt
Welt պարբերականի տվյալներով՝ Վաշինգտոնն արդեն իսկ ՆԱՏՕ-ին է փոխանցել փոփոխությունների փակ ցուցակը։ Մասնավորապես, խոսքը վերաբերում է F-16 կործանիչների, լիցքավորող ինքնաթիռների, հետախուզական ու հարվածային անօդաչու թռչող սարքերի (ԱԹՍ), ինչպես նաև այն հածանավերի ու էսմինեցների գրեթե կեսի կրճատմանը, որոնք ԱՄՆ-ն պատրաստ է տրամադրել ՆԱՏՕ-ին։
Ինչպես նշում է Welt-ը, սա կապված է ԱՄՆ-ի՝ դեպի Հնդկա-խաղաղօվկիանոսյան տարածաշրջան վերակողմնորոշման հետ։ Նման սցենարի դեպքում եվրոպական երկրները ստիպված կլինեն սեփական ուժերով փոխհատուցել կորցրած հնարավորությունների մի մասը։
Վերջնական որոշումները նախատեսվում է քննարկել ամռանը կայանալիք Դաշինքի անդամ երկրների առաջնորդների և պաշտպանության նախարարների հանդիպումների ժամանակ։
