Լիբանանի նախագահը տարածաշրջանում ճգնաժամի կապակցությամբ համերաշխություն է հայտնել Քուվեյթին
Լիբանանի նախագահ Ժոզեֆ Աունը հեռախոսազրույց է ունեցել Քուվեյթի էմիր շեյխ Միշալ ալ-Ահմադ ալ-Սաբահի հետ, որի ընթացքում երկու երկրների առաջնորդները քննարկել են իրենց երկրներում տեղի ունեցող իրադարձությունները՝ տարածաշրջանում առկա ներկայիս լարվածության ֆոնին, հաղորդում է NNA-ն։
Նախագահ Աունը հայտնել է «լիբանանցի ժողովրդի համերաշխությունը իր քուվեյթցի եղբայրներին ու քույրերին այս ծանր ժամանակներում, որոնք ապրում է տարածաշրջանը»։
Էմիրը շնորհակալություն է հայտնել Աունին։
«Քուվեյթը միշտ աջակցում է Լիբանանին և նրա ժողովրդին, հատկապես այս ճգնաժամային փուլում, և աջակցում է այն քայլերին, որոնք Լիբանանը ձեռնարկում է անվտանգության և կայունության հասնելու, ինչպես նաև իր ամբողջ տարածքի նկատմամբ ինքնիշխանությունը վերականգնելու համար», – ասել է ալ-Սաբահը։
