Թրամփը հայտարարել է, որ ԱՄՆ-ն գրեթե վերսկսել է հետախուզական տվյալների տրամադրումը Կիևին
Միացյալ Նահանգները գրեթե վերսկսել է հետախուզական տվյալների տրամադրումն Ուկրաինային։ Այս մասին հայտարարել է Սպիտակ տան ղեկավար Դոնալդ Թրամփը մարտի 9-ին լրագրողների հետ զրույցում։
«Մենք գրեթե արել ենք (դա)», – ասել է նա՝ պատասխանելով Կիևին հետախուզական տվյալների փոխանցման դադարը վերացնելու պատրաստակամության մասին հարցին:Թրամփը հավելել է, որ Վաշինգտոնը «ցանկանում է անել հնարավոր ամեն բան, որպեսզի Ուկրաինան լրջորեն վերաբերվի» ստեղծված իրավիճակին լուծում գտնելու անհրաժեշտությանը։
«Անհրաժեշտ է համաձայնագիր կնքել, անհրաժեշտ է վերջ դնել մահերին», – հավելել է ԱՄՆ ղեկավարը։ Փետրվարի 28-ին Ուկրաինայի նախագահ Վոլոդիմիր Զելենսկին ժամանել էր Սպիտակ տուն՝ Դոնալդ Թրամփի հետ հանդիպելու Լրագրողների ներկայությամբ զրույցի ընթացքում նրանց միջև ծագել է սուր վեճ, որի ժամանակ Թրամփը Զելենսկիին մեղադրել է ԱՄՆ-ի նկատմամբ անհարգալից վերաբերմունքի մեջ, իսկ փոխնախագահ Ջեյ Դի Վենսը՝ հայտարարել, որ Ուկրաինայի ղեկավարը մոռացել է շնորհակալություն հայտնել Վաշինգտոնին Կիևին ցուցաբերված աջակցության համար: Հանդիպման արդյունքներին նվիրված մամուլի ասուլիսը չեղյալ է հայտարարվել է, ԱՄՆ-ի և Ուկրաինայի միջև օգտակար հանածոների շուրջ համաձայնագրի ստորագրումը տեղի չի ունեցել:
Օրերս ԱՄՆ-ն հայտարարել էր Ուկրաինային հետախուզական տվյալների տրամադրումը դադարեցնելու մասին։
