ՈւԵՖԱ-ն տուգանել է Վրաստանի ֆուտբոլի ֆեդերացիային
ՈւԵՖԱ-ն տուգանել է Վրաստանի ֆուտբոլի ֆեդերացիային Ալբանիայի հետ տնային խաղում տեղի ունեցած միջադեպերի համար։ Այս մասին գրում է aliq.ge-ն։
Վրացական մարզադաշտի հանրային ելքերը արգելափակելու պատճառով սահմանվել է 14.000 եվրո վճար։
Վրաստանից գանձվել է 12.000 եվրո, քանի որ երկրպագուները լազեր են արձակել խաղացողների և մրցավարի վրա։
Բացի այդ, Վրաստանից 30.000 եվրո է գանձվել․ երկրպագուները խաղի ժամանակ պիրոտեխնիկա են նետել։
Նշենք, որ Թբիլիսիում Ալբանիայի հետ խաղում Վրաստանը պարտվել է 0-1 հաշվով։
