Ռումինիայում՝ Ուկրաինայի հետ սահմանի մոտ, անօդաչու թռչող սարք է ընկել
Ռումինիայում՝ Ուկրաինայի հետ սահմանի մոտ, այս գիշերը անօդաչու թռչող սարք է կործանվել, հաղորդում է ՌԻԱ Նովոստն՝ հղում անելով Ռումինիայի պաշտպանության նախարարությանը։
Ռումինիայի նախագահ Նիկուսոր Դանը հուլիսին հայտարարել է, որ F-16 կործանիչները երեք օրվա ընթացքում երկրի վրա խոցել են երեք անօդաչու թռչող սարք։ «Մոսկվայի ժամանակով ժամը 3:21-ին անօդաչու թռչող սարքը մտել է ազգային օդային տարածք Գալացի քաղաքից մոտավորապես 13 կիլոմետր արևելք։ Այն կործանվել է Տուլչեայի շրջանի Գրինդու քաղաքից մոտավորապես 4 կիլոմետր հյուսիս-արևելք՝ անմարդաբնակ տարածքում։ Ինքնաթիռի` գետնին բախվելուց հետո հրդեհ է բռնկվել, սակայն այն ինքնամարվել է», – ասվում է Ռումինիայի պաշտպանության նախարարության հայտարարության մեջ։
Անօդաչու թռչող սարքը՝ Ռումինիայի օդային տարածք մտնելու պահից այն հսկվել է Իսպանիայի ռազմաօդային ուժերի երկու F-18 կործանիչների օդաչուների կողմից։ Բացի այդ, Ռումինիայի ռազմաօդային ուժերի IAR-330 SOCAT ուղղաթիռը օդ է բարձրացվել հետախուզական առաքելության համար, անձնակազմը հաստատել է, որ անօդաչու թռչող սարքը կործանվել է:
Զոհերի կամ նյութական վնասների մասին տեղեկություններ չկան։
Ավելի վաղ Ռումինիայի խորհրդարանն ընդունել է օրենք, որը իրավունք է տալիս խոցել երկրի օդային տարածքը խախտող անօդաչու թռչող սարքերը: ՆԱՏՕ-ն ուժեղացրել է Ռումինիայի օդային տարածքի մոնիթորինգը՝ տեղակայելով լրացուցիչ վաղ նախազգուշացման համակարգեր:
