Գազայի Բեյթ Լահիային իսրայելական հարվածի հետևանքով 87 մարդ է զոհվել կամ անհետ կորել
Գազայի հատվածի առողջապահության նախարարությունը հայտնել է, որ շաբաթ օրը Գազայի հյուսիսում գտնվող Բեյթ Լահիա քաղաքի վրա իսրայելական հարձակման հետևանքով ընդհանուր առմամբ 87 մարդ է զոհվել կամ անհետ կորել փլատակների տակ, ևս 40-ից ավելին վիրավորվել են:
Գազայի առողջապահության նախարարությունը հայտնել է, որ փրկարարական գործողությունները խոչընդոտվում են հաղորդակցության խնդիրների և սահմանային գծի մոտ գտնվող տարածքում Իսրայելի շարունակական ռազմական գործողությունների պատճառով:
«Տուժածները դեռևս գտնվում են փլատակների տակ և ճանապարհի վրա, իսկ շտապօգնության բրիգադներն ու արտակարգ իրավիճակների ծառայությունները չեն կարողանում հասնել նրանց», – ասվում է գերատեսչության հաղորդման մեջ:
Իր հերթին, իսրայելական բանակը հայտարարել է, որ հետաքննում է միջադեպի մասին հաղորդումները, որը հանգեցրել է վերջին ամիսների ընթացքում ամենամեծ թվով զոհերի:
Շաբաթ ուշ երեկոյան իրականացված հարվածը Բեյթ Լահիայից հարավ գտնվող Ջաբալիա քաղաքի շրջանում իրականացվող երկշաբաթյա խոշոր գործողության շարունակությունն էր, որտեղ իսրայելական զորքերը տանկերի աջակցությամբ փորձում են տեղահանել ՀԱՄԱՍ-ի մնացած զինյալներին:
