Վերջին արդեն հինգ է պակաս. դեռ հինգ «րոպե» կա` փրկելու համար այն, ինչ այս պահին անդառնալի է. Վարուժան Գեղամյան
Թյուրքագետ Վարուժան Գեղամյանը «Վերջին հինգ պակաս» վերտառությամբ գրառում է կատարել տելեգրամյան իր ալիքում՝ շեշտելով, որ վերջում չի հիշվելու, թե այս օրերին, հինգ կամ քսան տարի առաջ ով ինչ ասաց, որքան ճիշտ էր և արդյոք իրավունք ուներ մեղադրելու մյուսներին:
«Վերջում ձեր ու մեր արածն ու չարածը կարևոր չի լինելու:
Վերջում մենք ուղղակի գաղթական ենք դառնալու, իսկ մեր բոլոր քննարկումները` իմաստազուրկ:
Վերջում, երբ մեր հայրենիքի այս մի կտորն էլ ավարտվի, ոչ միայն չի հիշվելու, այլև կարևոր չի լինելու այս օրերի իրար մեղադրելը, իրարից բողոքելը, մեր գրած ստատուսները:
Իսկ այսօր վերջին արդեն հինգ է պակաս:
Ուրեմն դեռ հինգ «րոպե» կա կենտրոնանալու լուծման վրա ու փրկելու համար այն, ինչ այս պահին անդառնալի է»,- գրել է Գեղամյանը:
