Վոլգոգրադում ուղևորատար գնացքի 8 վագոնները դուրս են եկել ռելսերից
Ռուսաստանի Վոլգոգրադի մարզում Կազան-Ադլեր գնացքի վագոններից ութը դուրս են եկել ռելսերից։ Այս մասին հաղորդում է «Ինտերֆաքս» գործակալությունը։
Նշվում է, որ վթարի պատճառ է դարձել այն, որ մեքենավարը կտրուկ արգելակել է իր դիմաց դուրս եկած բեռնատարի պատճառով։ Նշվում է, որ չնայած լուսացույցի արգելող լույսին, «Կամազ» մակնիշի բեռնատարը դուրս է եկել ռելսերի վրա։ Ըստ Վոլգոգրադի նահանգապետ Անդրեյ Բոչարովի՝ Կազան-Ադլեր գնացքում եղել է 812 ուղևոր։Տուժածների վերաբերյալ տվյալները ճշտվում են։ Դեպքի վայրում աշխատում են օպերատիվ ծառայությունները։
Գնացքների երթևեկությունը տվյալ հատվածում դադարեցվել է։
