«Այս տղան լրիվ գժվել է, սպառնում է մտնել Իսրայել». հոլանդացի քաղաքական գործիչը՝ Էրդողանի մասին
Թուրքիայի նախագահ Ռեջեփ Թայիփ Էրդողանի՝ Լիբիայի և Լեռնային Ղարաբաղի օրինակով Իսրայել մտնելու մասին հայտարարությանը հաջորդել են մի շարք արձագանքներ, որոնք դատապարտում են Թուրքիային և Էրդողանին։ Այս մասին տեղեկացնում է ermenihaber.am-ը։
Էրդողանի վերոհիշյալ հայտարարությանն արձագանքել է Նիդերլանդների ծայրարհեղ աջ «Ազատություն» կուսակցության նախագահ Գերտ Վիլդերսը։ Նշենք, որ նա հայտնի է իր հակաթուրքական և հակաէրդողանական դիրքորոշմամբ։
Գրառման մեջ Վիլդերսը մասնավորապես նշել է. «Իսլամաֆաշիստ Էրդողանը սպառնում է ներխուժել Իսրայել։ Այս տղան լրիվ գժվել է։ Թուրքիան պետք է դուրս վռնդվի ՆԱՏՕ-ից»։
