Բայդենն ու Մակրոնը «Վրացական երազանք»-ին կոչ են արել վերադառնալ եվրատլանտյան ուղի
![](https://168.am/wp-content/uploads/2024/06/2024_06_03t081321z_1707825251_rc20rz95o8e2_rtrmadp_3_georgia_politics_pic4_zoom_1500x1500_83230.thumb_.jpg)
Միացյալ Նահանգները և Ֆրանսիան հաստատում են իրենց հանձնառությունը՝ կանգնելու վրաց ժողովրդի կողքին՝ իրենց եվրատլանտյան ձգտումներում։ Այս մասին ասվում է ԱՄՆ նախագահ Ջո Բայդենի և Ֆրանսիայի նախագահ Էմանուել Մակրոնի համատեղ հայտարարությունում:
Նախագահները կոչ են անում «Վրացական երազանք» իշխող կուսակցությանը հարգել հանրության ցանկությունները՝ վերադառնալով եվրատլանտյան ուղի, ասված է հայտարարությունում։
Վերջերս ԱՄՆ պետքարտուղարությունը հայտարարել էր, որ Վրաստանում, այսպես կոչված, «օտարերկրյա գործակալների մասին օրենքի» ընդունումը կխոչընդոտի հանրապետության եվրաինտեգրմանը և ԱՄՆ-ի հետ կապին: Այս մասին ասել էր Պետքարտուղարության խոսնակ Մեթյու Միլլերը։