Խալերի և քաղցկեղի կապի մասին տարածված միֆը հերքվել է

Պնդումը, թե խալերի պարբերական վնասումը հանգեցնում է մաշկի քաղցկեղի, ոչ այլ ինչ է, քան առասպել, ասում է ուռուցքաբան Սունա Իսակովան։ Ըստ shantnews-ի՝ բժիշկը «Իզվեստիա»-ին տված հարցազրույցում հերքել է տարածված թյուր կարծիքը։

Իսակովայի խոսքով՝ ենթադրվում է, որ խալերն առաջանում են մաշկի վրա ուլտրամանուշակագույն ճառագայթման ազդեցության պատճառով, սակայն դա միակ պատճառը չէ։ Հաճախ կանանց մոտ նոր նևուսներ են ձևավորվում հղիության ընթացքում հորմոնալ փոփոխությունների պատճառով: Այս դեպքում ոչ պակաս կարեւոր դեր է խաղում նաեւ գենետիկան։ Բժիշկը որպես դրա հաստատում նշել է այն փաստը, որ նևուսների մեծ մասը ձևավորվում են մանկության տարիներին:

Ըստ Իսակովայի՝ չկա որևէ ապացույց այն պնդման համար, որ խալերի պարբերական վնասումը և դրանցից մազերի հեռացումը կարող են հանգեցնել դրանց փոփոխման մելանոմայի։

Մաշկի քաղցկեղը կանխելու համար ուռուցքաբանը խորհուրդ է տվել մաշկի կանոնավոր ինքնազննում կատարել։ Դուք պետք է զգույշ լինեք, եթե խալերից մեկը դարձել է ասիմետրիկ, դրա սահմանները լղոզված են, կամ գույնը փոխվել է: Կասկած պետք է առաջանա, եթե նևուսը սկսել է արագ աճել։