Թաիլանդում Նոր տարվա արձակուրդի օրերին ավելի քան 200 մարդ է զոհվել ճանապարհատրանսպորտային պատահարներից
Թաիլանդում ավելի քան 200 մարդ է զոհվել, մոտ 1,6 հազարը՝ վիրավորվել ամանորյա արձակուրդի ընթացքում ճանապարհատրանսպորտային պատահարների հետևանքով։
Այդ մասին հաղորդել է Bangkok Post թերթը։
Թերթի տվյալներով՝ ապրիլի 11-ից մինչև 15-ն ընկած ժամանակահատվածում հանրապետությունում տեղի է ունեցել ավելի քան 1,5 հազար ճանապարհատրանսպորտային պատահար, ինչը մոտավորապես 10%-ով պակաս է, քան անցյալ տարի։
Ճանապարհներին վթարների ամենատարածված պատճառը եղել է արագության գերազանցումը, որին հաջորդում են անսթափ վիճակում ավտոմեքենա վարելը և վրաերթերը:
Թաիլանդի բնակիչներն ապրիլի 13-ին տոնել են թայլանդական Նոր տարին։ Տոնի առթիվ ապրիլի 12-ից 16-ը հայտարարվում են ոչ աշխատանքային։ Այդ օրերին ամբողջ երկրում տեղի են ունենում լայնածավալ տոնախմբություններ։
