Լոռու մարզի Սվերդլով գյուղում անասնագոմի տանիք և այդտեղ կուտակած մոտ 200 հակ անասնակեր է այրվել
Լոռու մարզային փրկարարական վարչության ճգնաժամային կառավարման կենտրոնը տեղեկություն է ստացել, որ Սվերդլով-Պրիվոլնոյե ավտոճանապարհին այրվում է անասնագոմ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Պարզվել է, որ հրդեհը բռնկվել է Սվերդլով գյուղի 15-րդ փողոցի տներից մեկի մոտակայքում գտնվող անասնագոմի (96 քմ) տանիքում։
Հրդեհը մեկուսացվել է ժամը 06։15-ին, մարվել՝ 09։06-ին։
Մասամբ այրվել են անասնագոմի տանիքի կառուցատարրերը (մոտ 80 քմ) և տանիքում կուտակած անասնակեր (մոտ 200 հակ)։
