Այսօրվա հրապարակի պայքարն արժանապատիվ կյանքի պայքար է․ Արտակ Զաքարյան
Արտակ Զաքարյանը ֆեյսբուքյան իր էջում գրում է․ «2018թ. ապրիլին այս հրապարակում (երկրոդ լուսանկար)հավաքվող և աստիճանաբար ընդլայնվող հանրույթը չէր հավատում, որ ավելի լավ պետություն ունենալու իր նպատակները վերածվելու են համազգային ողբերգության: Նրանք չէին պատկերացնում, որ ուսներին դրած հրապարակ կբերեն անփառունակ մի ինքնակոչի, ով կդավաճանի բոլորին ու ամեն ինչ` բացի հայ ժողովրդի թշնամու շահերին։
Այսօր այս հրապարակում (առաջին լուսանկար) և նրանից դուրս գտնվող միլիոնավոր հայեր, երանի կտային, որպեսզի մի հրաշքով վերադարձ լիներ 2018թ. մարտ ամիս` դեպի ապահով ու անվտանգ Հայաստան և Արցախ, դեպի արժանապատիվ ապրող հայ մարդ, դեպի իրական ինքնիշխանություն ու իրական անկախություն:
Այսօրվա հրապարակի պայքարն ազնիվ է ու Աստվածահաճո: Այն Արցախի ու Հայաստանի վերջին հույսի, մահվան ճիրաններից դուրս պրծնելու, սկսված ցեղասպանությունը կասեցնելու, համազգային վերածննդի, միասնության, անվտանգության, իրական անկախության ու արժանապատիվ կյանքի պայքար է:
Հույսը վերջինն է մահանում: Նիկոլին մնացել է սպանել հայ ժողովրդի վերջին հույսը և վերջ: Այսօրվա հրապարակն այդ սպանության դեմ է:
2018թ. ապրիլին այս հրապարակում (երկրոդ լուսանկար)հավաքվող և աստիճանաբար ընդլայնվող հանրույթը չէր հավատում, որ ավելի լավ…
Posted by Artak Zakaryan on Friday, September 22, 2023
