Ինչո՞ւ այսօր Երևան-Կապան չվերթ չի իրականացվել. պարզաբանում են ընկերությունից. aysor.am
Երևան-Կապան այսօր նախատեսված չվերթը հետաձգվել է։ Այդ մասին Aysor.am-ի հետ զրույցում ասացին «ՆՈՎԷՅՐ» ավիաընկերությունից:
Ընկերությունից հայտնել են, որ պատճառը եղանակային պայմաններն են. «Ջերմուկում եղանակը մառախլապատ է, իսկ ինքնաթիռը ցածր է թռչում, որի պատճառով չվերթը չի իրականացվել»:
Հարցին, թե քանի՞ անձ էր այսօրվա թռիչքով մեկնելու Կապան՝ ընկերությունից պատասխանել են, որ դա կոմերցիոն գաղտնիք է և չեն կարող հայտնել:
