Բժիշկը բացահայտել է տնային պայմաններում իմունիտետի ամրապնդման գաղտնիքները
Ճիշտ և հավասարակշռված սնունդը, ինչպես նաև օգտակար միկրոէլեմենտներով հարուստ սուպերմթերքները օգտակար են իմունիտետը վերականգնելու համար, ըստ shantnews-ի՝ ասում է նյարդաբան, մանկաբույժ Օլգա Հոֆմանը։ Lenta.ru-ի հետ զրույցում նա բացահայտել է տնային պայմաններում օրգանիզմն ամրացնելու գաղտնիքները։
Ցուրտ սեզոնին շատերը նախընտրում են ինքնուրույն բուժվել, սակայն, ըստ բժշկի, կարևոր է ոչ միայն առողջանալը, այլ նաև հիվանդությունից հետո իմունիտետը վերականգնելը։ Նա բացատրել է, որ հակառակ դեպքում կարող եք նորից հիվանդանալ կամ լուրջ բարդություններ ստանալ։
Թուլացած օրգանիզմը վերականգնելու համար անհրաժեշտ է լիարժեք հավասարակշռված սննդակարգ, որը պարունակում է սպիտակուցներ, ճարպեր և ածխաջրեր՝ համապատասխանաբար 30 և 40 տոկոս, ընդգծել է Հոֆմանը։
«Վերականգնման սննդակարգում կարելի է ավելացնել կաթնային սպիտակուցի կամ շիճուկի վրա հիմնված սննդային խառնուրդներ: Դրանք վաճառվում են մթերային խանութներում և դեղատներում և հատկապես օգտակար են թերքաշ երեխաների և մեծահասակների համար»,- ասել է բժիշկը:
«Սուպերմթերքներն օգնում են նորմալացնել բոլոր օրգանների աշխատանքը հիվանդությունից հետո: Նույնիսկ եթե դուք պարզապես մեղրով հաց եք ուտում, այն լավագույնս ներծծվում է օրգանիզմում և հարուստ է վիտամիններով: Նշանակում է՝ դուք արդեն կարող եք օգնել իմունային համակարգի ամրապնդմանը», – մեկնաբանել է Հոֆմանը:
Նա ավելացրել է, որ չպետք է մոռանալ աղիների առողջության մասին. պրոբիոտիկները և սննդային մանրաթելերը ևս օգնում են իմունային համակարգին:
Եթե հիվանդությունը ծանր է եղել, և դրանից հետո հիվանդը չի կարող երկար ժամանակ ապաքինվել, ապա կարող է պահանջվել բժշկի օգնություն։ Ապաքինման համար նա կարող է իմունային դեղամիջոցներ նշանակել, որոնք խորհուրդ չի տրվում ընդունել անվերահսկելի, զգուշացրել է բժիշկը։
