Չեխական VR ընկերությունը մարդկանց թույլ կտա հավերժ ապրել մետավերսում
Էնտուզիաստները հույս ունեն արհեստական ինտելեկտն այնքան հավատալի դարձնել, որ օգտատերը չի նկատի, որ մարդու հետ չի խոսում:
Չեխական Somnium Space ընկերությունը, որը մասնագիտացած է VR-ում և NFT-ում, հայտարարել է «Հավերժական կյանք» վիրտուալ տարածք ստեղծելու ցանկության մասին, որը թույլ կտա շփվել մահացած մարդկանց թվային պատճենների հետ։
Նախագծի գլխավոր տնօրեն Արթուր Սիչևը նշել է, որ սկսել է աշխատել մարդկանց մասին տվյալները պահպանելու ունակության վրա այն բանից հետո, երբ հայրը մահացել է քաղցկեղից երեք տարի առաջ։ Նա հասկացավ, որ իր փոքր երեխաները ժամանակ չեն ունեցել շատ շփվել և չեն հիշում, թե ինչպիսին է պապիկը, և որոշեց ստեղծել VR տարածք, որտեղ հարազատները կարող են հավատալի կերպով շփվել մահացածների հետ՝ գոնե որոշ ժամանակով:
Դրա համար նախատեսվում է վիրտուալ իրականության մեջ արհեստական ինտելեկտով վերստեղծել ավատարներ, որոնք կկրկնօրինակեն մարդկանց արտաքինը, ձայնը, ինչպես նաև վարքագիծն ու անհատականությունը։ Սիչևը նշում է, որ հիմնական նպատակը նրանց այնքան հավատալի դարձնելն է, որ կարողանաք խոսել նրանց հետ մոտ 10 րոպե, նախքան հասկանալը, որ դուք առերեսվում եք արհեստական ինտելեկտի, այլ ոչ թե իրական մարդու հետ:
Սա կպահանջի մարդու մասին հսկայական տեղեկատվության հավաքում, ներառյալ տեսանյութեր՝ դեմքի արտահայտություններն ու շարժումները վերլուծելու համար, նամակագրություն՝ հաղորդակցման եղանակը հասկանալու համար, և այլն: Սա միակ միջոցն է՝ մարզելու արհեստական ինտելեկտը՝ իրատեսորեն ընդօրինակելու մարդու վարքագիծը՝ զրուցակցին գոնե ժամանակավորապես համոզելու համար, որ դա իր դիմացի մեքենան չէ։
Somnium Space-ը նաև աշխատում է Teslasuit-ի հետ, որը հապտիկ կոստյումներ է պատրաստում: Դրանք օգտակար կլինեն միանգամից երկու ուղղությամբ՝ վիրտուալ աշխարհի այցելուների համար նրանք կկարողանան մոդելավորել ֆիզիկական հպումներ, իսկ նրանց համար, ովքեր ցանկանում են թվայնացնել, լրացուցիչ տվյալներ հավաքել ներկառուցված սենսորների շնորհիվ։
Անվտանգության հնարավոր մտահոգությունները կանխատեսելով՝ Սիչևը նշում է, որ ցանկացած պահի հնարավոր կլինի դուրս գալ ծրագրից և ջնջել հավաքագրված բոլոր տվյալները։ Հաշվի առնելով, որ ընկերության գործունեությունը հիմնված է բլոկչեյն գործառնությունների վրա, նրա գործունեությունը կլինի հնարավորինս բաց և թափանցիկ:
Առայժմ նոր նախագծի նույնիսկ մոտավոր ժամկետները չեն բացահայտվում:
Սիրարփի Աղաբաբյան
