Թրամփը՝ Իրանի մասին․ «Նրանք շատ ծանր վիճակում են, բայց դեռ որոշ հնարավորություններ ունեն»
ԱՄՆ նախագահ Դոնալդ Թրամփը հայտարարել է, որ Իրանը գտնվում է «շատ ծանր վիճակում»։
«Իրանը շատ, շատ դժվար ժամանակներ է ապրում։ Նրանց հետ շատ դժվար է գործ ունենալ, նրանք ցուցաբերում են մեծ անազնվություն և անսկզբունքայնություն», — ասել է Թրամփը։
Նրա խոսքով՝ Իրանը դեռ ունի որոշակի քանակությամբ հրթիռներ, սակայն դրանց թիվը զգալիորեն նվազել է՝ համեմատած չորս-հինգ ամիս առաջվա ժամանակահատվածի հետ։
Թրամփը նաև նշել է, որ Իրանի արտադրական կարողությունները «գրեթե սպառված են», իսկ անօդաչու թռչող սարքերի ոլորտում երկրի հնարավորությունները, ըստ նրա, «գրեթե կորցված են»։
«Բայց նրանց մոտ դեռ ինչ-որ բան մնացել է», — հավելել է ԱՄՆ նախագահը։
