Սթենլի Կուբրիկի «Փայլատակում» ֆիլմի կացինը վաճառքի է հանվել
Կացինը, որով Սթենլի Կուբրիկի «Փայլատակում» ֆիլմում Ջեք Նիկոլսոնի կերտած կերպարը կոտրում է դուռը, վաճառքի է հանվել ԱՄՆ-ում: Այս մասին ապրիլի 18-ին հայտնել է TMZ պորտալը՝ վկայակոչելով Gotta Have Rock and Roll աճուրդի տունը:
Աճուրդի կազմակերպչի խոսքով՝ կացինը լավ վիճակում է և կներկայացվի հատուկ շրջանակով՝ ֆիլմից կադրերով: Աճուրդը կմեկնարկի ապրիլի 20-ից: Աճուրդի տունը նախատեսում է կացնի դիմաց առնվազն 100 հազար դոլար ստանալ:
