Արմավիրի մարզպետը ծանոթացել է «Պռոշյանի կոնյակի գործարանի» մասնաճյուղում ստեղծված իրավիճակին
Արմավիրի մարզպետ Համբարձում Մաթևոսյանն այցելել է Արմավիր գյուղի «Պռոշյանի գինու-կոնյակի գործարանի» մասնաճյուղ, ծանոթացել հրդեհի հետևանքով ստեղծված իրավիճակին:
Այս մասին հայտնում է մարզպետարանի «Ֆեյսբուքի» էջը:
Մարզպետը եղել է նաև «Արմավիր» բժշկական կենտրոնում, ուր տարբեր աստիճանի այրվածքներով տեղափոխվել են գործարանի չորս աշխատակիցներ: Բուժանձնակազմի հետ հանդիպման ընթացքում Համբարձում Մաթևոսյանին զեկուցել են, որ իրականացվել են հակաշոկային առաջին օգնության միջոցառումներ և բուժառուներին նախապատրաստում են տեղափոխել Երևան՝ Այրվածքաբանության ազգային կենտրոն:
