«Եթե Լեոն երջանիկ լիներ «Բարսայում», նա կմնար այնտեղ»․ Մեսսիի զարմիկ
«Բարսելոնայի» հարձակվող Լիոնել Մեսսիի զարմիկը՝ Մաքսիմիլիանո Բյանկուկին, կիսվել է ֆուտբոլիստի շուրջ ստեղծված իրավիճակի վերաբերյալ իր կարծիքով: «Նա պետք է գտնի մի տեղ, որտեղ իրեն երջանիկ կզգա: Եթե նա երջանիկ լիներ «Բարսելոնայում», ապա կմնար այնտեղ: Նա այնտեղ այլևս իրեն երջանիկ չի զգում և ցանկանում է գտնել նոր ուղի: Սա նրա իրավունքն է:
Ես կցանկանայի նրան տեսնել մի թիմում, որը լավ է խաղում: Ես կիրք ունեմ լավ ֆուտբոլի նկատմամբ:
Նախատեսված բոլոր տարբերակներից լավագույնը կլինի «Մանչեսթեր Սիթին»: Մեկ այլ տարբերակ է ՊՍԺ-ն, բայց մենք պետք է սպասենք: Անկախ այն բանից, թե ուր է նա գնում, նա երջանիկ կլինի և ներդաշնակություն կզգա»,- ասել է Բյանկուկին Deportes Cuatro-ին տված հարցազրույցում:
Սիրարփի Աղաբաբյան
