«Ժամանակն է, որ Ադրբեջանում ևս խաղաղ հեղափոխության լինի». Սերժ Թանկյան

Հանրահայտ ռոք երաժիշտ, System of a down խմբի մենակատար Սերժ Թանկյանն անդրադարձել է այս օրերին հայ-ադրբեջանական սահմանին տեղի ունեցող իրադարձություններին:

Երաժիշտը «Ինստագրամ»-ի իր պաշտոնական էջում հրապարակել է Ադրբեջանի նախագահ Իլհամ Ալիևի լուսանկարը, որին կից գրառում է կատարել:

«Սա Իլհամ Ալիևն է: Նա Ադրբեջանի նավթաօլիգարխիկ նախագահն է, որը ժառանգել է իշխանությունը հորից՝ Հեյդարից, և իր կնոջը դարձրել է երկրի փոխնախագահ»,-նշել է Թանկյանը: Նա գրել է, որ Ադրբեջանն ամեն ինչ է, բայց ոչ ժողովրդավարություն:

Ըստ Սերժ Թանկյանի՝ Հայաստանի և Ադրբեջանի միջև երբեք խաղաղություն չի լինի, քանի դեռ ադրբեջանցիները չունեն ճիշտ ղեկավար:

«Ժամանակն է, որ Ադրբեջանում ևս խաղաղ հեղափոխության լինի, այնպիսին, ինչպիսին 2018-ին թավշյա հեղափոխությունն էր Հայաստանում»,-ընդգծել է System of a down խմբի մեներգիչն ու հույս հայտնել, որ այդ դեպքում, գուցե, Ադրբեջանը ողջախոհ ղեկավար ունենա, ինչն էլ, գուցե, խաղաղության բերի:

View this post on Instagram

This is Ilham Aliyev. He is the petro-oligarchic President of Azerbaijan. He took over from his Dad Heydar and made his wife Vice President. Azerbaijan is anything but a democracy. We will never see peace between Azerbaijan and Armenia till the Azeri people themselves have proper leadership and a say in their own destiny. It’s time for Azerbaijan to have a peaceful revolution like the Velvet Revolution in Armenia in 2018 so that there could be reasonable leadership and hopefully peace. #stopaliyev

A post shared by Serj Tankian (@serjtankian) on Jul 15, 2020 at 2:49am PDT