Ճապոնիայում արգելել են սմարթֆոնների օգտագործումը քայլելիս

Ճապոնական Յամատո քաղաքում փողոցներում քայլելիս սմարթֆոնների օգտագործման վրա արգելք է դրվել: Օրենքն ուժի մեջ կմտնի հուլիսի 1-ից: Այն խորհրդատվական բնույթ ունի և չի ենթադրում որևէ պատիժ խախտողների համար, գրում է Kyodo News-ը:

Տեղական իշխանությունները հույս ունեն, որ քաղաքացիները կգիտակցեն այս պահանջի կարևորությունը և կհետևեն դրան:

Եթե ​​մարդը ցանկանա սմարթֆոնն օգտագործել, ապա պետք է կանգ առնի այնտեղ, որտեղ նա ոչ ոքի չի անհանգստացնի:

Ճապոնացի գիտնականները պարզել են, որ, երբ մարդը սմարթֆոն է օգտագործում, նրա դիտման անկյունը կրճատվում է, և շարժվելիս նա կարող է բախվել այլ անցորդների կամ մեքենաների:

Պատրաստեց Անի Գաբուզյանը