Մահացել է դերասան Գևորգ Դոդոզյանը
Կյանքից հեռացել է Գ. Սունդուկյանի անվան ազգային ակադեմիական թատրոնի դերասան Գևորգ Դոդոզյանը, որը հանրության լայն շրջանակին հայտնի է Գևո անունով:
Ինչպես «Արմենպրես»-ի թղթակցի հետ զրույցում հայտնեց Մայր թատրոնի լրատվության և հասարակայնության հետ կապերի պատասխանատու Անի Ներսիսյանը, Դոդոզյանը մահացել է հունիսի 26-ի առավոտյան:
«Մահվան պատճառը բրոնխիալ ասթման է: Շատերն են հարցնում, թե նա կորոնավիրուսի՞ց է մահացել: Հստակ կարող ենք ասել` ոչ: Դերասանը կորոնավիրուսով վարակված չի եղել»,- նշեց Ներսիսյանն ու հավելեց, որ Դոդոզյանը երկար տարիներ ասթմայով է տառապել:
