Եվրոպան հումանիտար օգնություն է ուղարկում Աֆրիկա
Ֆրանսիայից հումանիտար աջակցության ինքնաթիռը ուղևորում է Կենտրոնական Աֆրիկյան Հանրապետություն (ԿԱՀ):
«Euronews»-ը տեղեկացնում է, որ 12 երկրից 75 մասնագետներ են մեկնում, ուղարկվում է նաև 8 տոննա բժշկական սարքավորումներ: Նշվում է, որ սա առաջին հումանիտար թռիչքն է Եվրոպայից Աֆրիկա թռիչքների երկար ընդմիջումից հետո: Կազմակերպիչները տեղեկացրել են, որ օգնությունն անհրաժեշտ է հանրապետության բնակիչների կեսին:
Համավարակը բարդացրել է առանց այն էլ երկրում առկա բարդ իրավիճակը: Նշվում է, որ այնտեղ, ընդհանուր առմամբ, շատ թույլ առողջապահական համակարգը, և առանցքային կարևորություն ունի բնակիչներին տեղեկացնելը համավարակի հետ կապված անվտանգության կանոնների մասին:
Աջակցության ծրագրին մասնակցում է եվրոպական 10 երկիր: Նախատեսվում է նաև այլ հումանիտար թռիչքների կազմակերպում դեպի մյուս աֆրիկյան երկրներ:
