Անգլիայում ցանկանում են ավելացնել փոխարինումների քանակը՝ վնասվածքները նվազագույնի հասցնելու համար

ԱՊԼ-ի և ցածր լիգաների ակումբների մարզիչները կողմ են կորոնավիրուսի պատճառով կասեցված մրցաշրջանի վերսկսումից հետո հանդիպումների ընթացքում փոխարինումների քանակի ավելացմանը:

Մարզիչները հիմնավորում են միտքն այն փաստով, որ առանց պատշաճ մարզումների և խիստ օրացույցի պայմաններում խաղացողների՝ վնասվածք ստանալու հավանականությունը կմեծանա, հայտնում է The Telegraph-ը:

ՖԻՖԱ-ի կամ ազգային ֆեդերացիաների հովանու ներքո անցկացվող խաղերում հիմնական ժամանակում փոխարինումների առավելագույն քանակը սահմանափակվում է երեքով: Լրացուցիչ ժամանակում թույլատրվում է չորրորդ փոխարինումը:

Պատրաստեց Անի Գաբուզյանը