Fitch-ը վերահաստատել է Արդշինբանկի «B+» վարկանիշը` «Կայուն» կանխատեսմամբ
Համաշխարհային վարկանշող Fitch Ratings ընկերությունը վերահաստատել է Արդշինբանկի արտարժույթով երկարաժամկետ պարտավորություններ թողարկողի (Long-term Issuer Default Rating (IDR)) “B+” վարկանիշը` «Կայուն» կանխատեսմամբ:
Ինչպես նշված է Fitch Ratings-ի մամլո հաղորդագրությունում, Բանկի վարկանիշը հիմնված է այնպիսի ֆինանսական ցուցանիշների վրա, ինչպիսին են ակտիվների կայունությունը, բանկի կապիտալի ու իրացվելիության պաշարը, ինչպես նաև շահութաբերության մակարդակը, որոնց նպատասում է նաև տնտեսության ցիկլային աճը:
Հիշեցնենք, որ Բանկն ունի միջազգային հեղինակավոր վարկանիշային գործակալություններից (Fitch and Moody’s) ստացված վարկանիշ՝ հավասար Հայաստանի Հանրապետության վարկանիշային մակարդակին, ինչը մասնավոր կազմակերպության վարկանիշի գնահատման հնարավոր լավագույն ցուցանիշն է:
***
Արդշինբանկը հանդիսանում է ՀՀ բանկային համակարգում բոլոր հիմնական ֆինանսական ցուցանիշներով առաջատարներից մեկը: Բանկը միակ մասնավոր ընկերությունն է, որը միջազգային կապիտալի շուկաներում թողարկել է եվրոպարտատոմսեր: «Financial Times» կազմակերպության «The Banker» ամսագրի կողմից ճանաչվել է Հայաստանի 2018 թվականի «Տարվա լավագույն բանկ»:
