ԱՄՆ-ն կվերացնի իրանական նավահանգիստների շրջափակումը Հորմուզի վերաբերյալ գործարքից հետո
ԱՄՆ-ն մտադիր է վերացնել իրանական նավահանգիստների շրջափակումը Հորմուզի նեղուցում անարգել նավագնացությունը վերականգնելու վերաբերյալ համաձայնության հասնելուց հետո։ Այս մասին գրում է Reuters-ը՝ հղում անելով ամերիկացի պաշտոնյային։
«Հենց որ հայտարարվի առևտրային նավագնացության անարգել վերականգնումը նախատեսող համաձայնության հասնելու մասին, ԱՄՆ-ն կվերացնի իրանական նավահանգիստների շրջափակումը», – գործակալությունը մեջբերում է ամերիկացի պաշտոնյայի խոսքերը։
Ավելի վաղ ԱՄՆ նախագահ Դոնալդ Թրամփը հայտարարել էր, որ չեղարկել է Իրանի վրա հարձակումները կարգավորման վերաբերյալ սպասվող գործարքի լույսի ներքո, որի ուրվագծերը ներառում են Հորմուզի նեղուցի բացումը և միջուկային ծրագրի վերաբերյալ պայմանավորվածությունները։ Իրանի ԱԳՆ–ն հայտնել է, որ Իրանը և Օմանը համաձայնեցրել են Հորմուզի նեղուցով նավերի անցման երթուղու աշխարհագրական մանրամասները։
