Ռուսական կողմը հայտարարել է Դոնեցկի 2 գյուղի նկատմամբ վերահսկողություն հաստատելու մասին
Ռուսական ուժերը վերահսկողություն են հաստատել Ուկրաինայի Դոնեցկի մարզի երկու գյուղերի նկատմամբ, հայտնում է Reuters-ը՝ հղում անելով Ռուսաստանի պաշտպանության նախարարությանը։
Նախարարության Telegram-ում հրապարակված հաղորդագրության մեջ ասվում է, որ ռուսական ուժերը գրավել են Վասյուտինսկեն, որը գտնվում է Կրամատորսկի «ամրոց-քաղաքից» մի քանի կիլոմետր արևելք, և Տորեցկը, որը գտնվում է Դրուժկովկա քաղաքից հարավ-արևմուտք։
Ուկրաինական կողմը դեռևս չի հաստատել այս տեղեկությունը:
Ուկրաինական զինված ուժերի գլխավոր շտաբը ուշ երեկոյան տարածած հաղորդագրության մեջ հայտնել է, որ հետ են մղել 24 հարձակում Կոստանտինովկայի, Իլինովկայի և այլ կենտրոնների շուրջ։
