Երևանում հայտնաբերվել է հայտնի սուպերմարկետների ցանցի գլխավոր տնօրենի դին
Երևանում հայտնաբերվել է «Բոնուս» սուպերմարկետների ցանցի գլխավոր տնօրենի մարմինը։ Տեղեկությունը հայտնում է shamshyan.com–ը։
Ոստիկանությունն այս գիշեր` ժամը 02։30–ի սահմաններում, տեղեկություն է ստացել, որ Ներքին Շենգավիթ 11-րդ փողոց 1/23 հասցեում դի կա։
Ըստ կայքի` պարզվել է, որ մահացածը Երևանի բնակիչ 59-ամյա Անդրանիկ Մ.-ն է, որը նշված ցանցի հիմնադիրներից էր և գլխավոր տնօրենը։
Դին հայտնաբերվել է սուպերմարկետների ցանցի գրասենյակում։
Այս պահին դեռ հայտնի չէ` տեղի ունեցածը սպանություն է, ինքնասպանություն, թե դժբախտ դեպք։
