Անտառային հրդեհ է մոլեգնում Նիդեռլանդների հարավարևելքում գտնվող արգելոցում

Նիդեռլանդների հարավարևելքում հրշեջները փորձում են մարել անտառային հրդեհը, որը գիշերում ընդգրկել է100 հեկտար տարածք․ գրում է Euronews-ը՝ հղում անելով տեղի իշխանություններին։

Հրդեհը բռնկվել է երկուշաբթի կեսօրին՝ Գերմանիայի սահմանի մոտ՝ Լիմբուրգ նահանգի Օոստրում գյուղի մերձակայքում գտնվող արգելոցում։

Նշվում է, որ հրդեհին նախորդել էին շոգի ալիքներ, որոնք չորացրել են գետերի հուներն ու բուսածածկը։

Սա Արևմտյան Եվրոպայում վերջին շրջանում գրանցված անտառային հրդեհների հերթական դեպքն է։ Գիտնականները նման ծայրահեղ եղանակային երևույթները կապում են մարդու գործունեությամբ պայմանավորված կլիմայի փոփոխության հետ։