Ռուսաստանում քննարկում են դիզվառելիքի արտահանման լիակատար արգելքի հնարավորությունը
Ներքին շուկա վառելիքի մատակարարման վերաբերյալ խորհրդակցության ժամանակ Ռուսաստանի նախագահ Վլադիմիր Պուտինը հայտարարել է, որ քննարկում են դիզելային վառելիքի արտահանման լիակատար արգելքը։
«Ավելին՝ ներքին սպառողների շահերից ելնելով, սահմանվել է բենզինի և ավիացիոն վառելիքի արտահանման ժամանակավոր լիակատար արգելք», – ասել է նա։
Նշենք՝ սահմանափակումները պայմանավորված են Ռուսաստանի ներքին շուկայում վառելիքի դեֆիցիտով, որը նաև առաջացել է նավթավերամշակման գործարանների վրա ուկրաինական հարձակումների հետևանքով։
