Պատմական հաղթանակ Գերմանիայի նկատմամբ և համազգային տոն․ Էկվադորի նախագահը ոչ աշխատանքային օր է հայտարարել
Էկվադորի նախագահ Դանիել Նոբոան երկրում պետական հանգստյան օր է հայտարարել՝ կապված ազգային հավաքականի՝ 2026 թվականի աշխարհի առաջնության փլեյ-օֆֆ դուրս գալու պատմական նվաճման հետ։
Հինգշաբթի օրը կայացած խմբային փուլի երրորդ տուրի խաղում Էկվադորի հավաքականը 2:1 հաշվով տպավորիչ և կամային հաղթանակ տոնեց Գերմանիայի ընտրանու նկատմամբ։ Այս արդյունքի շնորհիվ էկվադորցիները վաստակեցին 4 միավոր՝ զբաղեցնելով E խմբի երրորդ հորիզոնականը։ Թիմը վերջին 20 տարվա ընթացքում առաջին անգամ նվաճեց Աշխարհի առաջնության փլեյ-օֆֆի ուղեգիր։
Այս առիթով երկրի նախագահը սոցիալական ցանցերի իր էջերում շնորհավորական ուղերձ է հղել․
«Շնորհակալություն ֆուտբոլիստներին և գլխավոր մարզչին, ովքեր, չնայած քննադատություններին, վիրավորանքներին և ծանր փորձություններին, կարողացան ոգևորվել ու հսկայական ուրախություն պարգևել ամբողջ երկրին։ Ուրբաթ օրը հայտարարվում է հանգստյան օր։ Կեցցե՛ Էկվադորը»,- գրել է Դանիել Նոբոան։
