BBC–ի լրատվական բաժնի հարյուրավոր աշխատակիցներ կազատվեն աշխատանքից. ԶԼՄ
Բրիտանական BBC հեռարձակող կորպորացիան օպտիմալացման շրջանակներում հաջորդ շաբաթ կկրճատի լրատվական բաժնի հարյուրավոր աշխատակիցների: Այս մասին հայտնում է The Financial Times թերթը՝ հղում անելով իր աղբյուրներին։
«Հաստիքների կրճատման արմատական ծրագրի առաջին փուլի շրջանակներում BBC-ն մտադիր է հաջորդ շաբաթ կրճատել իր հիմնական լրատվական ստորաբաժանման հարյուրավոր աշխատակիցների», – գրում է պարբերականը:
Թերթը նշում է, որ կրճատումները զգալի ազդեցություն կունենան որոշ ռադիոհաղորդումների աշխատանքի վրա։
Կորպորացիայի նոր ղեկավարությունը, որը պետական ֆինանսավորման հարյուր միլիոնավոր ֆունտ տնտեսելու խնդիր ունի, մտադիր է աշխատանքից ազատել 2 հազար աշխատակցի: Կորպորացիայի բյուջեն կկրճատվի մեկ տասներորդով։
Ավելի վաղ BBC-ի նոր գլխավոր տնօրեն Մեթ Բրիթինը հայտարարել էր, որ ֆինանսավորման սղության պատճառով առաջիկայում աշխատակազմում կիրականացվեն կրճատումներ։
