Կառավարությունը մտադիր է հողեր գնել Երևանում Իսակով-Արշակունյաց մայրուղին կառուցելու համար
ՀՀ կառավարությունը կսկսի Երևանի Իսակովի և Արշակունյաց պողոտաների միջև ընկած մայրուղու համար հող գնել: Համապատասխան որոշումն ընդունվեց կառավարության այսօրվա նիստին։
Որոշման մեջ նշվում է, որ ֆիզիկական և իրավաբանական անձանցից ձեռք կբերվի 27 հողակտոր: Ճանապարհը կկառուցվի Երևանի Նորագյուղ թաղամասից դեպի Շենգավիթ թաղամաս և կընդգրկի Հրազդան գետի նոր կամուրջը Երևանյան լճից ոչ հեռու:
Նոր մայրուղին կարագացնի երթևեկությունը Շենգավիթ և Էրեբունի վարչական շրջաններից դեպի քաղաքի հյուսիս–արևմտյան հատված (Աջափնյակ և Դավթաշեն), ինչպես նաև Արաբկիր վարչական շրջան:
