Երբ կրթությունը միավորում է բնությունն ու երեխաներին․ «Լիդիան Արմենիա»
Շուրջ երեք ամիս է, ինչ «Լիդիան Արմենիա»-ի նախաձեռնությամբ Ամուլսարի հարակից Գնդեվազ համայնքում իրականացվում են անգլերենի անվճար դասընթացներ դպրոցականների համար։ Ծրագրում ընդգրկված 45 աշակերտները հնարավորություն ունեն զարգացնելու և ամրապնդելու իրենց անգլերենի հմտությունները՝ ուսուցումը համադրելով հետաքրքիր կրթական միջավայրի հետ։
Կենսաբազմազանության միջազգային օրվան՝ մայիսի 22-ին, ընդառաջ, երեխաներն իրենց հերթական դասը նվիրել էին բնապահպանական թեմաներին։ «Լիդիան Արմենիա»-ի մասնագետների միջոցով նրանք ծանոթացել են կենսաբազմազանության պահպանման կարևորությանը, ուսումնասիրել Հայաստանի Կարմիր գիրքը, քննարկել իրենց բնակավայրում հանդիպող կենդանատեսակներն ու բուսատեսակները, ինչպես նաև պարզել, թե յուրաքանչյուրն ինչ դեր կարող է ունենալ բնության պահպանման գործում։
Մենք վստահ ենք՝ բնության նկատմամբ պատասխանատու և հոգատար վերաբերմունքը ձևավորվում է դեռ մանկուց, իսկ գիտելիքի և արժեքների փոխանցումը կարևոր ներդրում է կայուն ապագա կերտելու ճանապարհին։
