«Ռեալը» կարող է 6 միլիոն եվրո վճարել Մոուրինիոյի համար, բայց ակումբը դիտարկում է չորս այլ թեկնածուների ևս
«Բենֆիկան» ցանկանում է պահպանել Ժոզե Մոուրինիոյին գլխավոր մարզչի պաշտոնում, սակայն պորտուգալացի մասնագետը ցանկանում է գլխավորել Մադրիդի «Ռեալը», որը հետաքրքրված է նրա ծառայություններով։ Միաժամանակ «արքայական ակումբը» դիտարկում է ևս չորս մարզիչների թեկնածությունները, որոնց անունները չեն բացահայտվում։ Այս մասին հայտնում է լրագրող Ֆաբրիցիո Ռոմանոն X սոցիալական հարթակում։
Աղբյուրի համաձայն, Արքայական ակումբը պետք է «Բենֆիկային» վճարի 6 միլիոն եվրո, եթե պայմանագիրը վաղաժամկետ խզվի, սակայն սահմանված գումարը ուժի մեջ է մինչև մայիսի վերջ։ 63-ամյա մարզիչի պայմանագիրը Լիսաբոնի ակումբի հետ գործում է մինչև 2027 թվականի ամառը։
Պորտուգալացի մարզիչը «Ռեալ Մադրիդում» աշխատել է 2010-2013 թվականներին, որի ընթացքում նա նվաճել է երեք գավաթ։ Մադրիդյան ակումբում իր նախորդ պաշտոնավարման ընթացքում Մոուրինիոն հաղթել է Լա Լիգան, Իսպանիայի գավաթը և Իսպանիայի Սուպերգավաթը։
