Մահացել է հայտնի փիլիսոփա, սոցիոլոգ Յուրգեն Հաբերմասը
96 տարեկանում մահացել է գերմանացի հայտնի փիլիսոփա, սոցիոլոգ Յուրգեն Հաբերմասը։ Այս մասին հայտնում է Welt-ը։ Գիտնականի մահը վրա է հասել այսoր` մարտի 14-ին։
Նա ծնվել է 1929 թվականի հունիսի 18-ին Դյուսելդորֆում։ Ցյուրիխում, Բոննում նա 1949-1954 թվականներին ուսումնասիրել է փիլիսոփայություն, պատմություն, հոգեբանություն, գերմանական գրականություն ու տնտեսագիտություն։
Նա դասախոսել է Հայդելբերգի, Մայնի Ֆրանկֆուրտ քաղաքների համալսարաններում, եղել է Մաքս Պլանկի անվան ինստիտոտի տնօրենը։
Յուրգեն Հաբերմասը համարվում է փիլիսոփայության ֆրանկֆուրտյան դպրոցի ականավոր ներկայացուցիչներից, 20-րդ դարի երկրորդ կեսի հասարակական-քաղաքական բնագավառի առավել ազդեցիկ մտածողներից մեկը, որը ստեղծել է հաղորդակցական գործողության բաղադրույթը (կոնցեպցիան) և դիսկուրսի բարոյագիտությունը։ Նա հայտնի է ընդարձակ աշխատություններով, որոնցից մեկը՝ «Հանրայնության կառուցվածքային փոփոխությունը:
Նրա՝ «Հանրայնության կառուցվածքային փոփոխությունը: Հետազոտություններ բուրժուական հասարակության կատեգորիայի շուրջ» գիրքը թարգմանվել է հայերեն, թարգմանիչը է Հրաչյա Ստեփանյանն է։
Հաբերմասին բնորոշում են որպես Գերմանիայի գլխավոր փիլիսոփա, Կանտի ժառանգորդ, Կարլ Մարքսի ցասման, իրականության ֆրոյդյան ըմբռնման, ամերիկյան պրագմատիզմի հստակության ականավոր ջատագով։
