TRIPP-ը և այլ կապող նախագծերը կարևոր են տարածաշրջանային համագործակցության ընդլայնման համար․ Իլհամ Ալիև
Ադրբեջանն ու Հայաստանն արդեն սովորում են խաղաղ ապրելուն․ հայտարարել է Ադրբեջանի նախագահ Իլհամ Ալիևն Ամերիկյան հրեական խոշոր կազմակերպությունների նախագահների համաժողովի նախագահ Բեթսի Բըրնս Քորնի գլխավորած պատվիրակության ընդունելության ժամանակ։
Նա անդրադարձել է ԱՄՆ նախագահ Դոնալդ Թրամփի դերին «այս հաջողություններին» հասնելու գործում։
Ընդգծելով, որ տարածաշրջանում խաղաղության և կայունության ապահովումը զգալի ներդրում կունենա դրա զարգացման գործում, Ալիևը նշել է TRIPP-ի և այլ կապող նախագծերի կարևորությունը տարածաշրջանային համագործակցության ընդլայնման համար։
Նշելով, որ ադրբեջանա-ամերիկյան հարաբերությունները հաջողությամբ զարգանում են Դոնալդ Թրամփի իշխանության գալուց ի վեր, Ադրբեջանի ղեկավարը հավելել է, որ վերջին վեց ամիսների ընթացքում ԱՄՆ նախագահի հետ իր մի քանի հանդիպումներն առաջին նման օրինակն են երկկողմ հարաբերությունների պատմության մեջ։
