Վրաստանից արտաքսվել է 87 օտարերկրացի
Ներքին գործերի նախարարության միգրացիայի դեպարտամենտը վերջին օրերին Վրաստանից արտաքսել է 87 օտարերկրյա քաղաքացիների։ Այս մասին գրում է aliq.ge-ն։
Դեպարտամենտի տվյալներով՝ միգրացիայի դեպարտամենտի ձեռնարկած համալիր միջոցառումների արդյունքում երկրից արտաքսվել են Թուրքիայի, Չինաստանի, Հնդկաստանի, Ադրբեջանի, Իրանի, Թուրքմենստանի, Եգիպտոսի, Նիգերիայի, Ռուսաստանի, Ղազախստանի, Հորդանանի, Բանգլադեշի, Թաիլանդի, Իսրայելի, Լիբանանի, Հարավային Աֆրիկայի, Սուդանի և Սիրիայի քաղաքացիներ։
Ըստ գործող օրենսդրության՝ արտաքսված անձանց արգելվել է մուտք գործել Վրաստանի տարածք։
