Ադրբեջանը Վրաստանով Հայաստանին մատակարարել է 1220 տոննա բենզին
Ադրբեջանի պետական նավթային ընկերությունը (SOCAR) 22 լցանավով Հայաստան է մատակարարել 1220 տոննա AI-95 բենզին Վրաստանի տարանցմամբ։ Այս մասին գրում է aliq.ge-ն։
Ավելի վաղ ադրբեջանական լրատվամիջոցներում տեղեկություն էր տարածվել, որ Վրաստանը պահանջել է վառելիքի տարանցման համար անհիմն բարձր սակագին։ Թբիլիսին հայտարարել էր, որ վառելիքի «միանգամյա ներմուծում» կիրականացնի Ադրբեջանից Հայաստան «լիովին անվճար»։
Այնուամենայնիվ, դեռևս պարզ չէ, թե արդյոք համաձայնություն է ձեռք բերվել հետագա բեռնափոխադրումների սակագների վերաբերյալ։
Ադրբեջանական «Մինվալ պոլիտիկա» լրատվամիջոցը պնդել է, որ Բաքուն քննարկում է երկաթուղին դեպի հայկական սահման վերականգնելու հնարավորությունը «ի պատասխան Թբիլիսիի սակագնային դեմարշի»։
