Արեգակի վրա տեղի են ունեցել նախավերջին հզորության դասի բռնկումներ
Կիրառական երկրաֆիզիկայի ինստիտուտից TASS-ին հայտնել են, որ գիշերը Արեգակի վրա տեղի են ունեցել նախավերջին հզորության դասի՝ M, երկու արեգակնային բռնկումներ։
«Հոկտեմբերի 18-ին, Մոսկվայի ժամանակով ժամը 3:40-ին, 4246 արեգակնային բծերի խմբում (N22W81) գրանցվել է 26 րոպե տևողությամբ M1.0 բռնկում։ Մոսկվայի ժամանակով ժամը 5:39-ին նույն արեգակնային բծերի խմբում (N23W87) գրանցվել է 21 րոպե տևողությամբ M1.1 բռնկում», – նշվում է հաղորդագրության մեջ։
Արեգակնային բռնկումները բաժանվում են հինգ դասի՝ ըստ իրենց ռենտգենյան ճառագայթման հզորության՝ A, B, C, M և X։ Նվազագույն դասը՝ A0.0-ը, համապատասխանում է Երկրի ուղեծրում քառակուսի մետրի վրա 10 նանովատ ճառագայթման հզորությանը։
Դասի զարգացմանը զուգընթաց հզորությունը տասնապատկվում է։ Բռնկումները կարող են ուղեկցվել արեգակնային պլազմայի արտանետումներով, որոնց ամպերը, Երկիր հասնելիս, կարող են մագնիսական փոթորիկներ առաջացնել։
