Զելենսկին անհարմար իրավիճակում է հայտնվել Թրամփի հետ հանդիպումից հետո
Ուկրաինայի նախագահ Վլադիմիր Զելենսկին անհարմար իրավիճակում է հայտնվել իր ամերիկացի գործընկեր Դոնալդ Թրամփի հետ հանդիպումից հետո. նա ստիպված է եղել լրագրողների հետ խոսել Սպիտակ տան ցանկապատի ետևում, հաղորդում է РИА Новости-ն։
Զելենսկին երկու ու կես ժամ անցկացրել է Սպիտակ տանը, որից հետո մասնակցել է ճեպազրույցի։ Միջոցառումը տեղի է ունեցել ոչ թե ԱՄՆ նախագահի նստավայրում, ինչպես ընդունված է, այլ դրա դիմաց գտնվող հանրային այգում։ Տարածքը փակ է եղել հանրության համար և պահպանվել է ոստիկանության կողմից։
Հաղորդվում է, որ երբ Զելենսկին ժամանել է Թրամփի հետ հանդիպման, վարչակազմից ոչ ոք չի դիմավորել նրան։
