Ֆրանսիայում բողոքի ցույցերի ժամանակ մոտ 200 մարդ է ձերբակալվել
Ֆրանսիայում զանգվածային բողոքի ցույցերի ընթացքում ձերբակալվածների թիվը հասել է գրեթե 200-ի, չորեքշաբթի օրը հայտարարել է Ներքին գործերի նախարարի պաշտոնակատար Բրունո Ռետայլոն, գրում է РИА Новости-ն:
Ֆրանսիայի բազմաթիվ քաղաքներում ցուցարարները փակում են ճանապարհները։ Ռենում ցուցարարները այրել են ավտոբուս, իսկ Թուլուզի մոտակայքում՝ վնասել երկաթուղային գծի մալուխները։ Բողոքի մի շարք ցույցեր վերաճել են ոստիկանության հետ բախումների։
«Մինչ այժմ մոտ 200 ձերբակալություն է իրականացվել»,- ասել է նախարարը BFMTV-ի կողմից հեռարձակված մամուլի ասուլիսում։
