Պապուաշվիլին Թբիլիսիում տեղի ունեցածի համար մեղադրել է երկրում Գերմանիայի դեսպանին
Վրաստանի խորհրդարանի նախագահ Շալվա Պապուաշվիլին «Վրացական երազանքի» նախընտրական շտաբի մոտ տեղի ունեցածի համար մեղադրել է երկրում Գերմանիայի դեսպանին, իսկ ցուցարարներին անվանել «տիտուշկաներ»։
«Նախընտրական քարոզարշավի ընթացքում ծայրահեղականներին աջակցելը և օտարերկրյա դեսպանի կողմից բռնությունը չդատապարտելը ընտրություններին կոպիտ միջամտության օրինակ է, որը խախտում է Վիեննայի կոնվենցիան»,- գրել է Պապուաշվիլին։
Հիշեցնենք, որ սեպտեմբերի 8-ին Կախա Կալաձեի նախընտրական շտաբի մոտ իշխող թիմի կողմնակիցների ու ընդդիմադիր ցուցարարների միջև բախում է եղել։ Վերջին օրերին ՏԻՄ ընտրությունների քարոզարշավի ընթացքում արդեն 2-րդ դեպքն է բախումների։
