Արտյոմ Սուջյանը նշանակվել է վարչապետի աշխատակազմի Միջազգային իրավական հարցերով ներկայացուցչի գրասենյակի ղեկավար
Նիկոլ Փաշինյանի՝ սեպտեմբերի 9-ի որոշմամբ՝ Արտյոմ Սուջյանը 2025 թվականի սեպտեմբերի 10-ից կնշանակվի վարչապետի աշխատակազմի Միջազգային իրավական հարցերով ներկայացուցչի գրասենյակի ղեկավար։
«Ղեկավարվելով «Հանրային ծառայության մասին» օրենքի 9-րդ հոդվածի 13-րդ մասով՝ Արտյոմ Սուջյանին 2025 թվականի սեպտեմբերի 10-ից նշանակել վարչապետի աշխատակազմի Միջազգային իրավական հարցերով ներկայացուցչի գրասենյակի ղեկավար»,- նշված է որոշման մեջ։
Հիշեցնենք, որ նախկինում Արտյոմ Սուջյանը զբաղեցրել է արդարադատության նախարարի խորհրդականի պաշտոնը:
Հիշեցնենք, որ Լիպարիտ Դրմեյանը վերջերս ազատվել էր Միջազգային իրավական հարցերով ներկայացուցչի գրասենյակի ղեկավարի պաշտոնից:
