Գերմանիան կարող է հրաժարվել Ուկրաինա զորքեր ուղարկելուց
ԵՄ երկրները մտավախություն ունեն, որ Գերմանիան կարող է հրաժարվել մասնակցել Ուկրաինայում հնարավոր ռազմական առաքելությանը։ Այս մասին հաղորդում է Der Spiegel ամսագիրը։
Բեռլինը ցանկանում է խուսափել Ուկրաինա զորքեր ուղարկելուց, նշել է ամսագիրը։
Այս պահին, ինչպես հաղորդում է Spiegel-ը, Գերմանիայի դաշնային կառավարությունը սկսում է Ուկրաինայի անվտանգության երաշխիքների վերաբերյալ «կոնկրետ ծրագրերով» բանակցությունները։
Իր հերթին, Ռուսաստանի արտաքին գործերի փոխնախարար Միխայիլ Գալուզինը «Новые регионы России» ամսագրին տված հարցազրույցում հայտարարել է, որ ռուսական կողմը պատրաստ է աշխատել Ուկրաինայի անվտանգության երաշխիքների ապահովման ուղղությամբ, եթե նախկին խորհրդային հանրապետությունը չունենա միջուկային զենք, մնա չեզոք և չմիանա որևէ ռազմական դաշինքի։
