ԱՄՆ կործանիչներն օդ են բարձրացել Թրամփի գոլֆ-ակումբին ինքնաթիռի մոտենալու պատճառով
ԱՄՆ ռազմաօդային ուժերի կործանիչներն օդ են բարձրացել այն բանից հետո, ինչ քաղաքացիական ինքնաթիռ է մտել Բեդմինստերի (Նյու Ջերսի նահանգ) գոլֆ-ակումբի՝ թռիչքների համար սահմանափակ օդային տարածք: Գոլֆ-ակումբում էր գտնվում ԱՄՆ նախագահ Դոնալդ Թրամփը: Այս մասին հայտնել են Հյուսիսային Ամերիկայի օդատիեզերական պաշտպանության միացյալ հրամանատարության ներկայացուցիչները:
Կործանիչները ազդանշանային հրթիռներ են արձակել՝ քաղաքացիական օդանավի օդաչուի ուշադրությունը գրավելու համար, ապա արդեն իջեցրել են այն։
ԱՄՆ նախագահը հիշյալ գոլֆ-ակումբի սեփականատերն է և հաճախ է հանգստյան օրերն անցկացնում այնտեղ:
