Խոշոր գործարարների նկատմամբ քրգործեր են հարուցում, փողը բիզնեսից խլում են. Նաիրի Սարգսյան
Թեև, ըստ ՄԱԿ-ի տվյալների, Հայաստանում ապրող քաղաքացիներից 500.000-ը թերսնված է, թեև Հայաստանում աղքատութան ցուցանիշը կազմում է 40 տոկոսից ավելին` աղքատներ և ծայրահեղ աղքատներ միասին վերցրած, բայց դա չի խանգարում Նիկոլ Փաշինյանին ֆեյսբուքյան էջում գրառում կատարել ու պնդել՝ Սևանում Վարդավառը նշել է 50.000 քաղաքացի, իսկ դա նշանակում է, որ մարդիկ կրկնակի լավ են ապրում։
«Ես Վարդավառը Սևանում չեմ նշել, ես այդքան հարուստ չեմ, որ Սևանում Վարդավառ նշեմ,- 168 TV-ի «Ռեվյու» հաղորդաարի եթերում, արձագանքելով Փաշինյանի գրառմանը, նման տեսակետ հայտնեց «Հայաստանը ես եմ» նախաձեռնության ղեկավար Նաիրի Սարգսյանը՝ շարունակելով,- Փաշինյանը խրոնիկ սուտասան է. զարմանում եմ՝ այս մարդու աներեսության և անպատկառության աստիճանի վրա։ Այդ ինչպե՞ս է հաշվել՝ Սևանում 50.000 մարդ է հավաքվել, թե՞ 15.000, կամ, Հայաստանի բնակչության համեմատ 50.000-ն այդ ի՞նչ թիվ է. 15 տոկոս ընդամենը, կամ՝ ճշտե՞լ է՝ այդ 50.000-ից քանի՞սն է Հայաստանի քաղաքացի։ Այդ գրառումը ևս մեկ անգամ գալիս է ապացուցելու՝ Փաշինյանի պես խրոնիկ սուտաասանը չի կարող երկիր ղեկավարել»։
Նաիրի Սարգսյանն առաջարկում է ուսումնասիրել Հայաստանում գործազրկության, աղքատության ցուցանիշների վերաբերյալ պաշտոնական հրապարակումները, նաև տեսնել, որ արտադրության և արտահանումների և ներմուծումների ցուցանիշները անգամներով կրճատվել են ու տեսնել՝ տնտեսության վիճակն իսկապես լավ չէ։
«Իներցիայով ենք գնում առաջ. արտադրական պոտենցալն այդ մարդը քանդել է, կրթական համակարգ՝ նույնպես, ավելին՝ Հայաստանը ենթարկում է տնտեսական տեռորի. նայեք ՓՄՁ ոլորտի վիճակը, խոշոր գործարարների նկատմամբ անհարկի քրեական գործեր են հարուցում, փողը բիզնեսից հանում և խլում։ Փաշինյանը գնում է ավտորիտարիզմի հաստատման»,- ասաց Սարգսյանը։
Նրա փոխանցմամբ՝ նման տնտեսական քաղաքականությունը պատճառ ունի։
«Պատառն բռնի կերպով ավտորիտարիզմի հաստատումն է։ Հայաստանի ժողովուրդը Նիկոլ Փաշինյան չի՛ ընտրելու։ Հայաստանի գոյությունը ուղիղ սպառնալիք է Փաշինյանի պաշտոնին, դրա համար նրան պետք է նման քաղաքականությամբ երկրի ներսում ավտորիտաիզմ հաստատել, ինչն անհրաժեշտ է վերաարտադրության կամ Հայաստանը թուրքական վիլայեթ դարձնելու և Թուրքիայի կողմից նշանակվելու համար»,- ասաց Նաիրի Սարգսյանը։
Հարցազրույցի մանրամասնրեը՝ տեսանյութում։
