Թուրքիայում Էրդողանին վիարվորելու համար 16-ամյա քաղաքացի է ձերբակալվել
Ստամբուլում 16-ամյա քաղաքացին ձերբակալվել և մեղադրվում է «Թուրքիայի նախագահ Ռեջեփ Թայիփ Էրդողանին վիրավորելու» և «Բացահայտորեն ատելություն և թշնամանք հրահրելու» հոդվածների հատկանիշներով։ Այս մասին տեղեկացնում է ermenihaber.am-ը։
Նշվում է, որ քաղաքացին ձերբակալվել է սոցանցերում նախագահ Էրդողանի հասցեին վիրավորական գրառումներ անելու համար։
Անչափահաս քաղաքացու փաստաբանները պահանջել են ազատ արձակել նրան այն հիմքով, որ կալանքը լինի խիստ միջոց, կամ հակառակ դեպքում կիրառել դատական վերահսկողություն։
Նշենք, որ այս պահի դրությամբ թուրքական լրատվամիջոցներում դեռևս տեղեկություն չկա այն մասին, թե մեղադրվող անձը կոնկրետ ինչպիսի գրառումներ է արել սոցցանցերում։
